TA-004 ທັງກຣາມ Tangram

ຊື່	ທັງກຣາມ
ວິຊາ	ຄະນິດສາດ
ແຫຼ່ງຂໍ້ມູນ	ເປັນເກມສ້າງຂຶ້ນໃນປະເທດຈີນ ແລະ ໃຊ້ໃນທົ່ວໂລກ ໃຊ້ໃນຊັ້ນປະຖົມກ່ຽວກັບຮູບແບບເລຂາຄະນິດ
ລະດັບ	ອະນຸບານ 3 - ປ1 ເຖິງ ປ 5
ຫຼັກສູດຂອງກະຊວງ ສຶກສາທິການ ແລະ ກິລາ	ນຳໃຊ້ທັງກຼາມປິດສະໜາປະກອບເປັນຮູບ ປຽບທຽບຮູບຊົງທີ່ແຕກຕ່າງກັນ ແລະ ເອີ້ນຊື່ຮູບ ຈັດຮູບທີ້ແຕກຕ່າງກັນຄືນໃຫມ່ຕາມແບບຮູບ ຮູ້ໄດ້ຂະໜາດຂອງຮູບທີ່ເໝາະສົມກັນ
ອາຍຸ	4 ປີຂື້ນໄປ
ອຸປະກອນ	ແທັງກຣາມ ແມ່ນປະເພດດຽວກັນກັບເກມປິດສະໜາ ຖືກຕັດຮູບຈະຕູລັດ ອອກເປັນຮູບທີ່ແຕກຕ່າງກັນ ແລະ ທັງກຣາມປະກອບມີເຈັດສີ້ນສ່ວນດັ່ງນີ້: ຮູບສາມແຈຂະໜາດນ້ອຍ 2 ອັນ ຮູບສາມແຈຂະໜາດກາງ 1 ອັນ ຮູບສາມແຈຂະໜາດໃຫຍ່ 2 ອັນ ຮູບຈະຕຸລັດ 1 ອັນ ຮູບສີ່ແຈຂ້າງຂະໜານ 1 ອັນ ບັດກິດຈະກຳ ໝາຍເຫດ: ທຸກຮູບບັດກິດຈະກຳຂອງທັງກຣາມມີຊື່ເປັນພາສາລາວ (ເປັນຊື່ສະເພາະຂອງມັນ) ເພື່ອໃຫ້ນັກຮຽນໄດ້ອ່ານ, ຮູ້, ເຂົ້າໃຈຮູບເຫຼົ່ານັ້ນ ແລະ ເພີ່ມຄວາມສາມາດໃນການອ່ານ.
Activities	004 AC-01 ທັງກຣາມ 004 AC-02 ທັງກຣາມ ຈັດຮູບແບບງ່າຍດາຍ 004 AC-03 ທັງກຣາມ ຈັດຕາມຮູບແບບທີ່ຍາກ 004 AC-04 ທັງກຣາມ 004 AC-05 ທັງກຣາມ ຮູບແບບຄວາມລັບ

ຈຸດປະສົງຂອງທັງກຣາມແມ່ນ ໃຫ້ປະກອບແຕ່ລະພາກສ່ວນເຂົ້າກັນເພື່ອສ້າງເປັນສິ່ງໃຫມ່. ຮູບທັງກະລາມຂອງເຮົາມີຄວາມຍາກ-ງ່າຍແຕກຕ່າງກັນ. ເຊັ່ນ:

1= ງ່າຍ 2 = ປານກາງ 3= ຍາກ

ຕົວຢ່າງ:

ວິທີການປະຕີບັດກິດຈະກຳມີດັ່ງນີ້:

ໃຊ້ທັງເຈັດສີ້ນສວນຂອງທັງກຣາມເຂົ້າໃນການສ້າງ(ການຫຼີ້ນ)
ບໍ່ມີສີ້ນຊວນໃດຂອງທັງກຣາມຈະຍອງເຕັ່ງກັນ ແຕ່ລະສວນຈະມີຊົ້ນຈຸກັນໝົດ(ເວລາປະກອບ ຫຼື ຕໍ່)
ເຈົ້າສາມາດປີ້ນຮູບແບບສີ້ນສວນຂອງທັງກຣາມຕາມແບບທີ່ເປັນໄປໄດ້ໃນການສ້າງສິ່ງໃດໜຶ່ງ(ຕົວຢ່າງ ຮູບສາມແຈ ສາມາດປີ້ນເອົາສົ້ນທີ່ກວ້າງຂອງມັນລົງລຸ່ມກໍໄດ້)

ການແນະນຳ

ການນຳສະເໜີ

ເອົາທັງກຣາມມາໜຶ່ງຊຸດ ແລະ ແນະນຳໃຫ້ນັກຮຽນຮູ້ຊື່ຂອງແຕ່ລະສີ້ນສວນຂອງທັງກຣາມ
ຄູເປັນຜູ້ຖາມນັກຮຽນ ແລະ ໃຫ້ນັກຮຽນຕອບ ຫຼັງຈາກນັ້ນຄູແນະນຳນັກຮຽນຄືນ ແລະ ໃຫ້ນັກຮຽນເວົ້າຕາມ ນີ້ແມ່ນຮູບສາມແຈຂະໜາດໃຫຍ່, ນີ້ແມ່ນຮູບສາມແຈຂະໜາດກາງ, ຮູບສາມແຈຂະໜາດນ້ອຍ, ຮູບຈະຕຸລັດ ແລະ ສີ່ແຈຂ້າງຂະໜານ
ຄູອະທິບາຍໃຫ້ນັກຮຽນຮູ້ວ່າ ເຮົາສາມາດເອົາສີ້ນສວນຕ່າງໆຂອງທັງກຣາມມາປະກອບເຂົ້າກັນແລະສາມາດສ້າງເປັນຮູບພາບໃຫມ່ໄດ້.
ຄູອະທິບາຍໃຫ້ນັກຮຽນເຂົ້າໃຈວ່າເຮົາສາມາດສ້າງເປັນສີ້ນສວນໃຫມ່ຈາກສີ້ນສວນທີ່ເຮົາມີ(ຄູແຕ້ມໃສ່ກະດານເພື່ອເປັນແບບຢ່າງໃຫ້ນັກຮຽນ)
ຕົວຢ່າງ ຮູບສາມແຈຂະໜາດນ້ອຍສາມາດຈັດເປັນຮູບສີ່ແຈຂ້າງຂະໝານ

ສ້າງດ້ວຍຕົນເອງ

ວີດີໂອຂອງວີທີທີ່ສ້າງດ້ວຍຕົນເອງ
ທັງກຣາມດ້ວຍການພັບ

ປິນແບບແລ້ວທາສີ, ຕິດໃສ່ເຈ້ຍແຂງແລ້ວຕັດ